Ўз онасини ўлдирган ИШИДчи эгизаклар устидан суд бошланди
«Arab News» каналининг маълуми қилишича, Риёздаги махсус жиноят судида ИШИД ғоялари таъсирида ўз онасини ўлдирган ва отасини ўлдирмоқчи бўлган эгизаклар иши бўйича биринчи суд мажлиси бўлиб ўтди.
Прокурорнинг маърузасидан англашилишича, такфирчи ака-укалар оналарини ўлдириб, бошини кесиб олганлар ва оталари билан акасини ҳам ўлдирмоқчи бўлганлар. Жиноят 2016 йил Саудия Арабистони пойтахтида содир этилган.
Эгизакларнинг онаси фарзандлари экстремистик гуруҳга қўшилиб қолганини сезгач, уларни бу йўлдан қайтармоқчи бўлган. Аммо сўзлари таъсир этмаганини кўргач, полицияга хабар беришини айтган. Эгизаклар эса онасини кофирга чиқаришган ва уни ўлдириш режасини тузишган. Улар аёлни омборхонага алдаб олиб кириб қилич билан чопиб ўлдирганлар ва бошини узиб олганлар. Шундан кейин оталари билан акаларига ҳужум қилганлар ва уларни ҳам ўлдирмоқчи бўлганлар. Мақсадларига ета олмагач, бировнинг автомобилини ўғирлаб қочиб кетганлар.
Прокурор судланувчилар учун ўлим жазоси сўрамоқда.