Саудия суриялик қочқинларга инсонпарварлик ёрдами кўрсатди
Саудия Арабистони қироли Салмон ибн Абдулазизнинг хайрия жамғармаси Туркиянинг Хатай вилоятидаги Алтинози туманида яшаётган суриялик қочқинларга ёрдам кўрсатди.
Жамғарма томонидан жўнатилган кўрпа, кийим-бош ва энг зарур буюмлар ортилган 5 та юк машинаси ҳудудга етиб келди.
Инсонпарварлик ёрдами Ижтимоий кўмак ва ҳамжиҳатлик жамғармаси ҳамда Алтинози тумани маъмурияти вакиллари ёрдамида тақсимланди.
Қирол Салмон жамғармаси вакилларининг маълум қилишича, улар суриялик қочқинларга ёрдам кўрсатишда давом этади.