Рим Папаси роҳинжа мусулмонларига ёрдам бергани учун Бангладешга миннатдорлик билдирди
Католик дунёсининг руҳоний етакчиси Рим Папаси Франциск Бангладеш бош вазири шайха Хасинага Мянманинг Аракон штатидан келган қочқинларга бошпана бергани учун миннатдорлик билдирди.
Ватикан матбуот хизматидан маълум қилишларича, понтифик Бангладеш ҳукумати раҳбарини қабул қилган.
Хасина, шунингдек, Ватикан давлат котиби кардинал Петро Паролин билан ҳам учрашган. Учрашувда Давлатлар билан алоқалар бўйича котибнинг ўринбосари Антуан Камиллери ҳам иштирок этган.
Учрашувлар ижобий муҳитда кечди, томонлар Ватикан ва Бангладеш ўртасидаги ўзаро алоқаларни муҳокама қилдилар. Бундан ташқари, Папа Франциск Бангладешга сафаридан қониқиш ҳосил қилганини айтди.