Дубайда учувчисиз капсулалар учирилди
Дубай йўллар ва транспорт бошқармаси (RTA) жаҳонда биринчи учувчисиз капсулаларни синовдан ўтказди.
Madinat Jumeirah да ушбу мобил транспорт тизимининг иккита тўла масштабли прототипи намойиш этилди. Капсулалар NEXT Future Transportation Inc компанияси томонидан лойиҳалаштирилган ва ишлаб чиқарилган.
Хабарларга кўра, ушбу капсулалар қисқа ва ўртача масофадаги йўналишлар бўйича ҳаракатланишга мўлжалланган. Улар маълум талабларга кўра зудлик билан тармоққа уланиши ёки ундан узиб қўйилиши мумкин. Капсулалар камералар ва электромеханик технологиялар билан жиҳозланган.
Ҳар бир капсула 2,87 м узунлик, 2,24 м кенглик ва 2,82 м баландликка эга, оғирлиги 1,5 тонна. 10 та йўловчига мўлжалланган (олтита ўтириш ва тўртта тик туриш ўрнига эга). Капсулаларга 3 соат ишлайдиган ва олти соат давомида қувват оладиган батареялар ўрнатилган. Ҳаракатнинг ўртача тезлиги 20 км/с.
RTA барча турдаги страспортларда йўловчилар хавфсизлигини таъминлашга интилади, шу сабабли бу капсулалар ҳам учта ҳимоя тизимига эга. Асосий тизим – 3D-камер камералар, иккинчиси – захира тизими (оддий камералар асосидаги), учинчиси эса оператор томонидан бошқариладиган тизимдир.
Фото: Gulf News