«Ҳамжиҳатлик» жамғармаси суриялик болакайнинг орзусини рўёбга чиқарди
ansar.ru
Куни кеча суриялик 10 яшар болакай Ҳисан жарроҳлик амалиётини бошдан ўтказди: унинг оёқларини протезларга мослаштиришди. Бир неча ойдан сўнг у юра бошлайди.
«Ҳалаблик Ҳисан жарроҳликдан сўнг ўзига келишни бошлади. Ҳаммаси яхши ўтди, у тез орада оёқлари учун янги протезларни кийиб кўриши мумкин», – дейилади жамғарманинг «ВКонтакте» ижтимоий тармоғидаги саҳифасида.
Эслатиб ўтамиз¸суриялик болакай туғма оёқ нуқсон билан дунёга келганди – унинг оёқлари тиззасидан пасти тўмтоқ эди. Россия хайрия жамғармаси ҳалаблик ушбу қочқин боланинг бир умрлик орзусини рўёбга чиқарди – у энди юра олади.
«Претозлар, жарроҳлик амалиёти ва ундан кейинги тикланиш жараёни учун 5 минг доллар керак бўлди. Бу маблағни уч ой ичида йиғишга муваффақ бўлдик», дейилади жамғарманинг баёнотида.