Епископ диндошларини масжидларга боришга чақирди
islam-today.ru
Англия черковининг епископи насронийларни якшанба куни ўзлари яшайдаган ҳудудда жойлашган масжидларни бориб кўришга даъват қилди.
Брадфорд епископи Тоби Ховарт фикрича, масжидларни бориб кўриш насронийларга ўз қўшниларини яхшироқ билишда “муҳим қадам” ҳисобланади.
Мусулмонлар уч йилдан бери ўтказиб келаётган “Масжидимизга ташриф буюринг” номли тадбирни қўллаб-қувватлаган епископ якшанба куни ўз ҳамкасблари ва черковга қатнайдиган насронийлар билан бирга Брадфорддаги бир нечта масжидга боришни режалаган.
Christiantoday.com нашрига кўра, мазкур тадбир Британия Мусулмонлар Кенгаши томонидан уюштирилган. Якшанба куни Британиядаги 200 дан зиёд масжид ўз эшикларини ташриф буюрганларга очади.
YouGov томонидан ўтказилган сўров натижалари британияликларнинг қарийб 90 фоизи масжидларни хеч қачон кўрмаганини, шунингдек, сўралганларнинг салкам 70 фоизи ўзга динлар ибодатхоналарига кирмаганини кўрсатган. YouGov сўровида вояга етган 1629 нафар британиялик онлайн тарзда иштирок этган.