Ўзбек қовунлари энди Америкада
© Sputnik/ Амир Исаев
Ташқи савдо вазирлиги хабарига кўра, вазни 1 тонна бўлган биринчи партия Нью-Йоркдаги Uz-American Trade Corp савдо уйига жўнатилди.
“Узтрейд” компанияси мамлакат тарихида илк бор ўзбек қовунларини Америка бозорига тақдим этди. Бу ҳақда kommersant.uz нашри ёзмоқда
Бундан ташқари “Узтрейд” АҚШга жами 5,1 млн долларлик тўқимачилик, қуруқ мева ва бошқа маҳсулотларни экспорт қилишга келишиб олди.
Қайд этиш лозим, Ташқи савдо вазирлиги қошидаги “Узтрейд” компанияси яқинда Нью-Йоркда савдо уйини очган. Ташкилот Президент Шавкат Мирзиёевнинг АҚШга ташрифидан сўнг ташкил этилди.
Савдо уйининг базасида доимий равишда ўзбек маҳсулотларини намойиш қилувчи шоу-рум ишлайди. Янги тузилма экспорт маҳсулотини ошириш, Ўзбекистоннинг АҚШ бозоридаги позициялари мустаҳкамланиши ва икки томонлама муносабатларнинг ривожланишига ёрдам беради.