Рохинжа қочқинлари учун қурилган Турк касалхонасида биринчи чақалоқ туғилди
golosislama.com
Рохинжалар борасида келаётган нохуш хабарлар ичида кўзга кўринмасада, аммо умид бағишлайдиган янгиликлар ҳам пайдо бўлмоқда.
Хусусан, Бангладеш жануб-шарқида Туркия ҳукумати томонидан махсус рохинжа мусулмонлари учун барпо этилган касалхонада биринчи чақалоқ дунёга келди. Бу ҳақида Даккадаги Туркия элчихонаси ўз Твиттер саҳифасида хабар тарқатди. Унга кўра, янги туғилган болага Мухаммад Алперен исми қўйилди. Анадолу агентлиги саволларига жавоб берган касалхона бош шифокори Жамолиддин Мухаммаднинг айтишича, бола соғлом туғилган. “Лагердаги қочқинлар ўта аянчли аҳволда эдилар. Айниқса ҳомиладор аёллар” деб айтди у. Жорий йил январь ойидан иш бошлаган мазкур лагерь қочқинларнинг тиббий аҳволларини яхшилашга муваффак бўлди.