АҚШ да мусулмон полициячи эҳтиром ила дафн қилинди
golosislama.com
Мэриленд штати Принс Джорджс тумани полицияси зобити капрал 51 яшар Мужохид Рамзиддин ўтган ҳафта қўшни аёлни химоя қилмоқчи бўлганида отиб ўлдирилди.
Мужохид Рамзиддин уйда дам олаётганида эрининг зуғуми ва дашномидан чарчаган қўшни аёл ундан мадад сўрайди. Аёлнинг эри ёрдамга шошилиб келган Мужохидни милтиғидан ўққа тутиб жиноят содир бўлган жойдан қочишга уринади. Аммо у етиб келган полициячилар томонидан таъқиб этилиб отиб ўлдирилади. Мужохид Рамзиддин олган жароҳатлардан вафот этди. Шаҳар аҳолиси бу мудҳиш воқеадан чуқур қайғуга чўмди. Мусулмон жамоасининг фаол аъзоси, намунали эр, тўрт фарзанднинг меҳрибон отаси, ҳамкасблари учун ўрнак бўлган Мужохид Рамзиддиннинг жаноза намози ўқилиб, қабрга қўйилди. Уни ҳотиралаб бутун штат бўйлаб байроқлар туширилди.