Мусулмон футболчилари Буюк Британияни яхши томонга ўзгартирмоқда.
Eddie Keogh/Reuters
Агар шу кунларда “Ливерпуль” жамоасининг стадионига ташриф буюрсангиз, албатта, маҳаллий ишқибозларнинг завқ-шавқ билан айтаётган қўшиқларини тинглашга мушарраф бўласиз.
“Мо Са-ла-ла-ла-лах, Мо Са-ла-ла-ла-лах, агар у сен учун зўр бўлса, у мен учун ҳам зўрдир. Агар у яна битта гол урса, мен ҳам мусулмонман кўр!” ёки “У масжидга боради, мен ҳам унга эргашаман” каби сўзлар стадион узра янграмоқда. Мухлислар бундай куйларни ижро қилиб “Миср қироли”, Англия Премьер Лигасининг энг яхши ўйинчиси деб эътироф этилган Мухаммад Салоҳга эҳтиром кўрсатибгина қолмай, Британ халқига хос бўлган диний бағрикенглик ва иззат-ҳурмат хусусиятини ҳам намойиш этмоқда. Бу, албатта, тахсинга лойиқ фазилатдир. Юқори мартабали фитначилар ва уларнинг издошлари Исломга нисбатан нафрат ва хусумат ила муносабат билдирини бошлаганидан анча аввал футбол оламида асосан қора танли ўйинчилар ирқчилик важлари билан таҳкирланган. Ўша дааврларда стадионлардаги муҳит таҳликали тус олган бўлиб, миллатпараст гуруҳлар оддий футбол ишқибозларининг ҳордиқ чиқаришини заҳарлаш билан овора бўлган. Эндиликда эса, улар жамоат эътиборини Ислом динига қаратиб, ўзлари учун манфур душман деб билган мусулмонларга қарши турли ҳил иғво ва фитналар уюштирмоқда. Ҳамма қатори оддий мусулмон, меҳнаткаш ва диндошларига нисбатан меҳрибон, қолаверса она юрти ва бутун дунёда тинчлик ўрнатилишининг тарафдори бўлган Мухаммад Салоҳ ўз жамоадошлари Садио Мане ва Эмре Жан билан ҳар бир урилган голни сажда ила нишонламоқда. Лондон, Манчестер ва Лестерда истиқомат қиладиган аксарият ёш мусулмонлар биродар қаҳрамонларига ғурур ва ифтихор билан боқиб ўзлари билмаган ҳолда футбол ўйининг шайдосига айланиб қолишмоқда. Мухаммад Салоҳ каби футболчилар сабабли мусулмонларни қолоқ ва замондан орқада қолган деб ҳисоблаган кўплаб инсонлар ўз фиркларидан қайтишмоқда. Миллиардлаб мухлиси бўлган футбол оламида мусулмон ўйинчилар ёрқин юлдуз каби порлаб миллионлаб одамларни ўзларига эргаштирмоқда. Улар нафақат ўзларининг жозибадор ўйинлари, балки танаффус пайтидаги зикру тиловатлари ҳамда Маккаю Мадинага қилган зиёратлари акс этган расмлари орқали муққадас динимизга бўлган салбий муносабатни ўзгартиришга муваффақ бўлишмоқда.
Манба: Theguardian.com