БМТ нинг Инсон ҳуқуқлари бўйича кенгаши Шарқий Ғутадага бағишланган йиғилиш ўтказади
БМТ нинг Инсон ҳуқуқлари бўйича кенгашининг матбуот котиби Роландо Гомезнинг айтишича, Шарқий Ғутадаги вазиятга бағишланган навбатдан ташқари йиғилишнинг ташаббускори Буюк Британиядир.
Кенгашнинг 47 та аъзо мамлакати уни қўллаб-қувватлаган бўлиб Россия қарши овоз берди. Мазкур йиўилишда Буюк Британия томонидан тайёрланган қарор лойиҳаси муҳокамага қўйилиб, унга кўра БМТ нинг жорий йил 25 февраль куни Шарқий Ғутада оташкесим ўрнатилиши бўйича қабул қилган 2401 рақамли қарорига дарҳол амал қилиниши, шунингдек тинч аҳолига инсонпарварлик ёрдамини зудлик билан етказиш ҳамда хаста ва оғир жароҳатланган фуқароларни ҳудуддан олиб чиқиш чоралари кўриб чиқилади. Мазкур йиғилиш бугун Тошкент вақти билан соат 19.00 да бўлиб ўтиши режалаштирилган. Шу билан бирга, қарор лойиҳасида Шарқий Ғутани ўққа тутишни тўхтатиш ва яқинда амалга оширилган ҳужум ва зарбаларни ҳар томонлама ўрганиш учун мустақил комиссия ташкил қилиш кўзда тутилган.
Манба: Анадолу Ажанси