Аксилисломий терроризм парламент биносигача етиб борди
islamnews.ru
Буюк Британияда «Мусулмонларни жазоланг» номли исломофоб кампанияга оид шубҳали жўнатмаларни олиб келган икки киши касалхонага ётқизилди.
Парламент депутати Муҳаммад Ясиннинг офисига тушлик пайти келтирилган жўнатмада номаълум суюқлик бор эди. Депутатнинг ўзи жўнатма ичидаги нарсага қўлини ҳам урмаган, аммр парламент биносининг икки ходими ҳаракатлар протоколига мувофиқ хавфсизлик учун касалхонага олиб келинган.
Ҳуқуқ-тартибот органлари текширувлар олиб бормоқдалар ва бу жўнатма «Мусулмонларни жазолаш куни» сарлавҳали варақалар ва мактубларга боғлиқ экани тахмин қилинмоқда. Бу ҳақида IslamNews сайти The Sun нашрига таяниб хабар қилади.
Эслатиб ўтамиз, шундай номли хатлар ва варақалар «Исонинг сўнгги аскари» номли гуруҳ номидан Англиядаги айрим оилаларга жўнатилган, унда британияликларни мусулмонларга ҳужум қилиш, масжидларни портлатиш ва бошқа ноқонуний хатти-ҳаракатларга чорланган эди