Амстердамдаги исломофоблар митингига 50 та одам келди холос
golosislama.com
Голландиянинг Амстердам шаҳрида якшанба куни PEGIDA («Ватанпарвар европаликлар Ғарбнинг исломлашувига қарши») номли гуруҳ томонидан ташкил этилган аксилислом ва аксилмуҳожир митингида кутилган натижаларга эришилмади – бор-йўғи 50 киши келган намойиш етарлича шов-шувга сабаб бўлмади.
Ушбу хирагина саҳна кўринишининг иштирокчилари полиция қуршовида қўлларида ирқчилик баннерларини кўтариб кўчалардан ўтдилар. Уларни аксилфашистлар тўхтатмоқчи бўлдилар, натижада тўқнашув юзага келиб, уч нафар аксилфашист ҳибсга олинди. Жума куни эса PEGIDA аъзолари бўлажак масжид учун ажратилган майдонга негадир 23 та хочни суқиб кетишди.
Эслатиб ўтамиз, гуруҳ 2014 йилнинг ўрталарида Германияда ўз фаолиятини бошлади ва Европа Иккинчи жаҳон урушидан кейинги энг йирик муҳожирлар инқирозини бошидан ўтказаётган даврда бошқа мамлакатларга ёйилди.