Ислом тақиқлаган нарсанинг зарарини олимлар тасдиқлашди
webplus.info
Финландиялик олимлар чекиш ва руҳий хасталиклар орасида боғлиқлик мавжудлигини исботладилар. Тадқиқот муаллифлари – Финландия фанлар академияси аъзоларининг маълум қилишича, кунига 10 та сигарет чекиш оғир руҳий хасталикларнинг ривожланиши учун етарли бўлар экан.
Айниқса, жуда ёшлигидан чекишни бошлаганларда бу хавф юқори. Узоқ вақт сигарет чекиш, олимларнинг фикрича, нафақат юрак-қон томир ва ошқозон-ичак хасталикларини, балки бош мия фаолиятида ҳам жиддий ўзгаришларни келтириб чиқаради. Олимлар бир неча ўн йиллар давомида олти минг кашандани кузатдилар, улар мунтазам тиббий кўрикдан ўтиб турдилар. Маълум бўлишича, вақт ўтиши билан улар оддий асабийликдан тортиб шизофрения, деменция ва биполяр аффектив бузилишлар каби жиддий хасталикларгача дучор бўлишлари мумкин.
Islam-today