Мисрда биринчи хотинининг розилигисиз уйланган эркакка қамоқ жазоси берилиши мумкин
islam-today.ru
Биринчи хотинининг розилигисиз иккинчисига уйланган эркак қамоққа олиниши керак. Миср парламенти депутати Абла Ховарий шундай қонун лойиҳасининг қабул қилинишини талаб этмоқда.
Аллақачон тайёрлаб қўйилган қонун лойиҳасига кўра, бу ҳуқуқбузарлик учун эркак 6 ойга қамоққа ҳукм қилиниши керак.
«Кўпхотинлиликни йўқотиш керак, аммо ҳозирча бунга чек қўёлмас эканмиз, ҳеч бўлмаса, ҳам биринчи, ҳам иккинчи хотиннинг ҳуқуққларини ҳимоя қилиш тизимини ишлаб чиқишимиз лозим», деди депутат. Унинг сўзларига кўра, Мисрда кўп аёллар кундошлари борлигини билишмайди, болалар эса аллақаерда қондош ака-укалари ё опа-сингиллари вояга етаётганидан бехабар. Шундай вазиятда эркак ўлиб қолса, мерос туфайли муаммолар бошланади.
Islam-today