Ҳукумат террорчининг эсини киритиш учун масжиддан ёрдам сўради

Хабарларда айтилишича, номи ошкор этилмаётган мусулмон йигит одамлар устига автомобилини ҳайдаб, то полиция уни отиб ташлагунча имкон қадар кўпроқ инсонни босиб-янчиб ўтишни режалаштирган. Йигитнинг аҳди жиддийлигини онасига ёзиб қолдирган видо мактубидан ҳам билиш мумкин. Яхшики, унинг режаларидан полиция ўз вақтида хабар топди. Натижада у судга тортилди ва мажбурий реаблитацияга ҳукм қилинди. Ҳозир мақсади амалга ошмаган йигит полиция ва руҳшунослар назорати остида махсус ҳудудда яшаяпти. Унинг руҳий-маънавий реаблитацияси учун судья маҳаллий мусулмон уламоларини жалб этишга қарор қилди, улар, ўз навбатида, таклифни жон деб қабул қилдилар. Йигитнинг адвокати бу хатти-ҳаракатлар яхши самара бериб, у тўғри йўлга қайтаётгани ҳақида маълум қилган.

Islam-today