Қатар ва БАА ўртасида муносабатлар илиқлашмоқда
golosislama.com
Қатар ва БАА муносабатларни илиқлаштиришга қаратилган қадамларни қўймоқдалар. Қатарнинг Qatar Petroleum номли давлат нефть компанияси Абу-Даби амирлиги нефть бўйича олий кенгаши билан Эл-Бундуқда ҳамкорликда янги нефть конини яратиш ҳақида келишув имзолади. Бу келишув Қатар ва БАА ўртасида Форс кўрфазидаги инқироздан сўнг имзоланган илк ҳамкорлик ҳужжатидир.
Янги келишув 1953 йилда имзоланган эскисининг ўрнига ишга тушади. Таъкидлаш жоиз, 1969 йил Қатар ва Абу-Даби амирлиги Ал-Бундуқдаги нефть кони уларнинг иккисига бирдек қарашли экани ҳақида ҳужжатни имзолаган эдилар.
Ал-Бундуқдаги нефть кони 1965 йилда очилган ва 1975 йилдан эксплуатацияга топширилган эди.
Эслатиб ўтамиз, 2017 йилнинг 5 июнида Саудия Арабистони, БАА, Баҳрайн ва Миср Қатарни терроризмни қўллашда ва ҳудудий хавфсизликка таҳдид уйғотишда айблаб, у билан дипломатик алоқаларни узган ва Қатарга қарши эмбарго жорий этган эдилар.