Сайф ул-Ислом Франция собиқ президентига қарши гувоҳлик бериши мумкинлигини айтди
Ливияни 42 йил бошқарган ва НАТО қўллаган исён натижасида ҳокимиятдан ағдарилган марҳум президент Муаммар Каддафининг ўғли Сайф ул-Ислом Франция собиқ президенти Николя Саркози ўз мамлакатида ҳибсда сақланаётганини олқишлади.
Африканюс телеканалига берган интервюсида Сайф ул-Ислом 2007 йилги президентлик сайловолди кампаниясида Саркози ноқонуний маблағдан фойдаланганини тасдиқловчи далилларга эга эканини билдирди.
Сайф ул-Исломнинг таъкидлашича, у далилларни 2011 йилда Ливиядаги Евронюс телеканалига берган. Етти йил ўтиб Франция ҳуқуқ тартибот органлари Саркозига қарши ҳаракат бошлаган.
20 март куни Франция Адлия расмийси Саркозининг 2007 йилги сайловолди кампанияси Ливия томонидан молиялаштирилгани борасида суриштирув ўтказиш учун собиқ президент ҳибсга олинганини билдирди.
Сайф ул-Ислом воқеадан хабардор бўлган Ливия разведка хизматининг собиқ бошлиғи Абдуллоҳ Снусси, Ливия Инвест ширкати собиқ раҳбари Башир Солиҳ Башир ва ўзи Саркози сайловолди кампаниясида ноқонуний маблағдан фойдалангани борасида гувоҳлик беришга тайёр эканини таъкидлади.