Ярадор гўдакни кўтариб олган суриялик фотосуратчи халқаро танлов ғолиби бўлди
Суриялик фотожурналист Муҳаммад Ал-рағиб Hamdan International Photography Award халқаро фотосуратлар танловининг бу йилги ғолиби деб тан олинди.
Фотожурналист портлаш вақтида болани сақлаб қолган бошқа бир фотосураткаш Абда Алқадар Хабаканинг сурати билан ўтган йили шуҳрат қозонган эди. Эслатиб ўтамиз, воқеа 2017 йил апрель ойида Ғарбий Ҳалаб шаҳрида рўй берган. Журналистлар тинч аҳолининг гуманитар йўлакдан ўтиб кетаётганларини суратга олаётганларида яқинда турган машиналардан бирига ўрнатилган портловчи қурилма ишга тушган. Машҳур фотосуратда Хабак жароҳатланган болани кўтарганча югураётгани акс этган. Кейинчалик фотограф-қаҳрамон одамларнинг бола ўлиб бўлган дея қичқирганларини, аммо болакай ҳали заиф бўлса-да нафас олиб унга тикилиб турганини, шунинг учун у югуришдан тўхтамаганини айтиб берган. Танлов ташкилотчилари Абда Алқадар Хабакни ҳам жасорати учун махсус соврин билан тақдирладилар.
Islam-today