Вашингтон яқинидаги Исломий марказ иккинчи марта ёниб кетди
АҚШ пойтахти Вашингтондан шарқ томонда жойлашган Беллевю шаҳридаги Исломий марказ жойлашган бино бир йил ичида иккинчи марта ёниб кетди.
Кomonews нашри хабарига кўра, ёнғин 22 март куни маҳаллий вақт билан соат 16:30да содир бўлган.
Ўт ўчирувчиларга кўра, ёнғин пайтида бинода ҳеч ким бўлмаган. Ёнғин нимадан чиққани ҳозирча маълум қилинмади.
Исломий марказ оқсоқоллар кенгаши аъзоси Умар Лоун бино атайин ёқиб юборилганига шубҳа қилмаслигини, чунки ховли девор билан ўралганини, бино ичида на газ ва на электр бўлганини айтди.
Нашрга кўра, 2017 йил январ ойида мазкур Исломий марказ ёниб кетган. Сентябр ойида уйсиз бир шахс бинога ўт қўйганликда айбдор деб топилган.