Исроиллик зобит саудиялик шайхларнинг фатволарини фаластинликларга қарши қўллади
Исроил ҳарбийлари фаластинликларнинг истилога қарши исёнларини тўхтатиш учун Ислом уламоларининг фатволарини тилга олди.
Жумладан, Исроил армияси вакили Авичай Адраи Фаластин халқига видеомурожаатнома йўллаб, Саудия шайхларининг Исломда намойишлар ва иш ташлашлар ўтказиш мумкин эмас деган фатвосини келтирган. Бу ҳақида IslamNews сайти Middle East Eye сайтига таяниб маълум қилади.
«Саудиялик шайх Солиҳ ал-Фаузон намойишлар ва иш ташлашларни ман этувчи фатво чиқарган ва бу ишлар мусулмон одобига тўғри келмайди, кофирларнинг иши, анархия ва тартибсизлик Исломда мумкин эмас, деган» деди исроиллик зобит. «Шайх ибн Усомин ҳам намойишлар ва исён мумкин эмас, чунки улар тартибсизликларни келтириб чиқаради деган».
Таъкидлаш жоиз, исроиллик зобит саудиялик шайхларнинг фатвосини айнан Саудия Арабистони валиаҳд шаҳзодасининг Исроил ўз ерларига эга бўлиш ҳуқуқини тан олиб берган баёнотидан бир неча кун аввал тилга олган. Бу билан у Фаластин-Исроил зиддиятини икки халқ учун икки давлат принципи асосида ҳал қилинишини қўллаган, деб тушуниш мумкин.