Россия АҚШнинг Сурия бўйича резолюциясига вето қўйди
БМТ Хавфсизлик кенгаши Суриядаги кимёвий ҳужумни текшириш бўйича АҚШ томонидан таклиф қилинган резолюция юзасидан овоз берди. ХКга аъзо 12 давлат ҳужжатни ёқлади, Боливия ва Россия унга қарши чиқди, Хитой бетараф қолди.
Россиянинг ташкилотдаги доимий вакили Василий Небензя америкаликлар томонидан таклиф қилинган механизм Москва позициясига зид эканини айтган. Ненбензянинг сўзларига кўра, АҚШ янги резолюция ёрдамида бир пайтлар шарманда бўлган, яъни ҳеч бир гумони тасдиқланмагани ҳолда суверен Сурия давлатининг бошига етган текширув механизмини қайта жонлантирмоқчи.
Айни пайтда Россия томонидан таклиф қилинган Суриядаги кимёвий ҳужумларни текшириш бўйича резолюция лойиҳаси ҳам Хавфсизлик кенгашида зарур 9 овозни йиға олмади ва қабул қилинмади.