Маккага велосипедда
Ўтган дам олиш кунлари малайзиялик мусулмон ҳаж учун Маккага велосипедда йўл олди.
6 фарзанднинг отаси 47 яшар Сулаймон Абдуллоҳ Каъбага етиш учун саккиз мамлакатни кесиб ўтади ва тахминан 10 минг километр йўл босади.
Қуръон китоби, озиқ-овқат ва зарур буюмлар солинган халтани кўтариб олган сайёҳ ҳордиқ чиқариш учун масжидларда тўхташни ва бутун саёҳати давомида Қуръон ўқиб боришни ният қилган, дея хабар беради ummamag.kg.
«Бундан саккиз йил аввал бу саёҳатни режалаштирган эдим. Профессионаллар ёрдамида икки йил тайёргарлик кўрганимдан сўнг, ниҳоят, сафарга чиқишга қарор қилдим», дейди Сулаймон.
У бир ой давомида Маккага олиб борувчи турли йўналишларни ўрганди. Маънавий пири эса унга жума кунлари йўлга чиқмасликни, ҳаракатланмасликни уқдирди. Оиласи ва яқинлари унинг аҳдини қўллаб-қувватлашди. «Мен саёҳатимни «Каъбага велосипедда» деб номладим», дейди Сулаймон.
У 16 июль куни Маккага етиб боришни режалаштирмоқда.
Саёҳат таассуротлари билан эса Facebook даги саҳифаси орқали ўртоқлашади. Уйга қайтишда ёшлар билан учрашувлар ўтказиб, уларни ҳам шундай саёҳатларга рағбатлантиришни режалаштирган.