Туркия олтин захирасини АҚШдан олиб чиқиб кетди
2017 йилда Туркия Марказий банки АҚШ банкларида сақланаётган 28,7 тонна олтин захирасини олиб чиқиб кетган.
Бу ҳақда Туркия Марказий банкининг расмий сайтида эълон қилинган йиллик ҳисоботда маълум қилинди, деб ёзади УзА агентлиги РИА Новостигатаяниб.
Ҳисоботда қайд этилишича, 2016 йил сўнгида ТМБнинг АҚШ банкларида сақланаётган олтин захираси 28, 689 тонна бўлган.
“Milliyet” нашрининг маълум қилишича, олтин захирасини четдан қайтариб келган фақат Туркия Марказий банки эмас. Мисол учун, Halk Bankası хорижий банкларда сақланаётган 29 тонна олтин захирасини қайтарган. Мамлакатнинг йирик тижорий банклари ҳам бу борада фаоллик кўрсатмоқда. Нашр манбаси берган маълумотга кўра Туркия четдан қайтиб олган олтин захирасининг умумий ҳисоби 220 тоннани ташкил қилади.