CAIR: АҚШда мусулмонларга тажовуз 15 фоизга кўпайди
АҚШда нафрат асосида мусулмонларга қарши содир этилган жиноятлар 2017 йилда иккинчи йил 15 фоизга ошди.
Буни Америка-Ислом муносабатлари кенгаши (CAIR) 23 апрелда эълон қилди.
Ню Йорк пост нашри хабарига кўра, ташкилот ўтган йил мусулмонларга нисбатан 300та тажовуз воқеаси содир бўлганини қайд қилган.
Мусулмонларга нисбатан нафрат асосидаги тажовузлар кўпайганини ташкилот қисман АҚШ президенти Доналд Трамп юритаётган сиёсат билан изоҳлаган.
Америка-Ислом муносабатлари кенгаши мусулмонларга қарши тажовуз бўлгани ҳақидаги 5650та маълумотни ўрганиб чиқиб ярмидан камроқ қисми рост эканини аниқлаган.