Петропавловскда 1900 йилги Қуръон мусҳафи оммага намойиш қилинди
Чечен-Ингуш Республикаларининг этник ва маданий маркази ҳисобланган “Вайнаҳ” ташкилоти Шимолий Қозоғистон вилояти маркази Петропавловск шаҳрида 19-20 асрга оид осори-атиқаларни оммага намойиш қилмоқда.
Информ нашри хабарига кўра, 1900 йилда чоп этилган Қуръон мусҳафи кўргазмага ташриф буюрганлар орасида катта қизиқиш уйғотган.
Шунингдек, кўргазмада 1810 йилда ишланган нақшинкор ҳанжар, қадимий самовар, граммофон, ўтган аср бошларида ишлатилган телефон аппарати, ишлаб чиқарилганига 100 йилдан ошган бошқа ашъёлар ҳам намойиш қилинмоқда.