Туркиянинг нодавлат ташкилоти кунига 50 000 сурияликка ифторлик бермоқда
Туркиянинг IHH инсонпарварлик ёрдами кўрсатувчи ташкилоти муборак Рамазон ойида ҳар куни 50 000 сурияликка ифторлик уюштирмоқда.
Ташкилотнинг Суриядаги вакили Салим Тосун IHH ходимлари Суриянинг Идлиб, Ҳалаб, Ҳама ва Латакия вилоятларидаги қишлоқ жойлари ва қочқинлар лагерларида ифторликлар уюштираётганини айтди.
“Биз Суриянинг турли минтақаларида жамоат ифторликлари уюштиряпмиз. Бундан ташқари ҳар куни 50 000 одамга иссиқ овқат тарқатяпмиз”, дейди ташкилот вакили Салим Тосун.
Унга кўра, Рамазон ойидаги инсонпарварлик ёрдамлари, Туркия ҳарбийлари Курдистон ишчилар партияси ва ИШИД жанггариларини йўқ қилган Африн шаҳри аҳолисига ҳам етиб бормоқда.