Саудия Арабистони муфтийси кўчадаги тиланчиларга пул бермасликка даъват қилди
Саудия Арабистон бош муфтийси, катта уламолар кенгашининг раиси Шайх Абдулазиз Абдуллоҳ Оли Шайх мамлакат фуқароларини кўчаларда ва жамоат жойларида тиланчиларга пул бермасликка даъват қилди, деб хабар қилади Akhbaar24.
Маҳаллий телеканалларнинг диний дастурида иштирок этган муфтийнинг айтишига кўра, тиланчиликни ўзларига касб қилиб олган “фақирлар”нинг аксари бошқа меҳнат билан шуғуллана оладилар. Шайхнинг айтишича, ким бундай одамларга пул бераётган бўлса тиланчиликка ҳамда бу иллатнинг тарқалишига хисса қўшаётган бўлади. Муфтий яна закот масалалари ҳамда уларни кимга бераётганликда эътиборли бўлиш кераклигини ҳам эслатиб ўтди.