Британия каналида эрталаб азон айтилади
Британиянинг Channel 4 канали Рамазон ойида ҳар куни эрталаб намозга чақириқ азонини трансляция қиладиган бўлди. Бу ҳақда The Guardianга таянган ҳолда Lenta.Ru хабар тарқатди. Телеканал расмийларининг айтишича, Channel 4да бир ой давомида азон янграб туради. Азон трансляцияси 3 дақиқа давом этиб, ҳар куни соат 03:00 атрофида бошланади.
Рамазоннинг биринчи куни - 9 июлда - телеканал мусулмонларнинг бир кун мабойнида беш вақт фарз намозларига азон қўйилади. Қолган кунлари эса, эрталабки намоздан ташқари бошқа намозларга айтилган азонлар фақат телеканалнинг интернет сайтида қўйиб борилади.
Эрталабки, азонни трансляция қилишдан олдин Channel 4 "рамазон ҳақида ўйлар" деб номланган фильмни намойиш қилади. Фильмда жамоат арбоблари Рўза ойи ҳақида ўз фикрлари билан ўртақлашади. Бундан ташқари, Рамазон ойида Channel 4 телеканали Ислом ҳақида «4Ramadan» номлик туркум дастурларни ҳам тақдим қилиш ниятида.
Channel 4 телеканалининг дастурлар раҳбари Ралф Лининг (Ralph Lee) Radio Times билан бўлган суҳбатда айтишича, албатта телеканал "озчилик" динига катта эътибор қаратаётгани учун маломат остида қолиши мумкин. "Бироқ, биз бу ерда кам гапириладиган ҳамда айнан алтернатив нуқтаи назарга имкон бериш учун хизмат қиляпмиз", дейди. У Британияда Ислом жадал равишда энг фаол ривожланаётган дин эканини ҳам қўшимча қилиб ўтди.