Брюсселдаги Америка элчиси ифтор уюштирди
АҚШнинг Белгиядаги элчиси Ҳовард Гутман ўз қароргоҳида ифтор ташкил қилди. Унда диний етакчилар, дипломатик корпус вакиллари иштирок қилди. Элчи Америкада ҳам мусулмон муҳожирлар истиқомат қилиши, улар ҳам Америка ривожига ҳисса қўшаётгани, Америкада биринчи исломий марказ 1890 йил Ню-Йоркда, биринчи масжид Шимолий Дакота штатида қурилганини таъкидлади.
Шунингдек, у Америкада биринчи ифтор 200 йил олдин Америкадаги биринчи мусулмон элчи – Тунис элчиси шарафига ташкил этилганини, уни президент Томас Жеферсон кутиб олганини айтиб ўтди.