Қатар касалхоналари кўп овқат еб қўйганлар билан тўлиб кетди
Рамазоннинг илк кунида Қатар пойтахти Дўҳа касалхоналари кўп овқат еб қўйганлар билан тўлиб кетди, деб хабар қилади Қатарнинг "Gulf Times" газетаси.
"Биринчи ифторликдан кейин кўп овқат еб қўйганлар касаллар кўпайиб кетади. Рамазоннинг иккинчи куни 103 одам қорин оғриғи билан касалхонага мурожат қилишган", дейди Дўхадаги Hamad Medical Corporation тез ёрдам бериш марказининг бош маслаҳатчиси Варда Али Садд.
Маҳаллий шифокорларнинг айтишларича, касалхонага тушиб қолган аксарият беморлар гастрит ҳуруж қилганидан азият чекишмоқда. Оддий кунларда Қатарда бундай касалларнинг сони у қадар кўп бўлмайди, аммо рўза кириб келиши билан ушбу кўрсаткичлар сезиларли даражада ўсади.
Шифокорлар рўза тутаётганларга ифтор ва саҳарлик пайтларида иштаҳани жиловлаб, жуда кўп еб юбормасликни маслаҳат бермоқдалар.
Мутахассисларнинг айтишича, бунга ўхшаш ҳолат Форс Кўрфазининг бошқа мамлакатларида ҳам кузатилмоқда. Рамазон рўзаси, "ёмон" холестерин миқдорини камайтиради, бу эса ўз ўрнида юрак хуружи эҳтимолини камайтиради. Бу рўза тутувчилар учун ўз саломатлигини яхшилаб олиш ва ортиқча вазндан қутилиш учун энг яхши имкониятдир, дейди шифокорлар.
Ортиқча вазн, семизлик ва (Яқин Шарқ мамлакатларида кўп тарқалган) иккинчи турдаги диабет билан қийналаётган мусулмонлар ифторликларинини тўғри ташкил қилиб, осон ҳазм бўладиган таомларни танлаш тавсия қилинади. ОАВлари маълумотларига кўра, 50 миллионга яқин мусулмонлар иккинчи турдаги диабет билан азоб чекадилар. BMC Public Health журнали талқинига кўра, Қатар, Қувайт, БАА ва Баҳрайн мамлакатлари семиз аҳолига эга мамлакатлар ўнлигига киришади.
Жорий йил Рамазон мусулмон дунёсига йилнинг энг иссиқ вақтига тўғри келди.