Сиссе “Ньюкасл” либосини кийишдан бош тортди
Англиянинг “Ньюкасл” жамоаси етакчи ўйинчиси Паписс Сиссе клубнинг янги мавсум учун чиқарилган либосини (формасини) диний сабабларга кўра, кийишдан бош тортди.
Янги либосда кредит билан шуғулланувчи "Wonga" компаниясининг рекламаси бор экан. Сиссе мусулмон сифатида шариат ҳаром қилган, "судхўрликни" тарғиб қилишни истамаётганини баён қилди. Футболчи машғулотлардан четлатилгани сабаб, якка тартибда шуғулланмоқда, - дея хабар қилади Британия матбуоти.
Эслатиб ўтамиз, худди шунга ўхшаш воқеа саккиз йиллар муқаддам бошқа бир мусулмон футболчи Фредерик Кануте билан ҳам собир бўлган эди. Ўша вақтда Испаниянинг “Севилья” жамоаси шарафини ҳимоя қилган ҳужумчи клубнинг букмекерлик идораларини реклама қилган либосини кийишни истамаганди. Натижада клуб раҳбарияти унга алоҳида, ҳаром нарсанинг рамзи бўлмаган либос тиктириб беришган.