Триполи шаҳри полициясининг раҳбари отиб кетилган
2014 йил 12 август сешанба куни Либия пойтахти яқинида Триполи шаҳри полициясининг раҳбари полковник Ал-Суиссий номаълум шахслар томонидан ўлдириб кетилган. Бу ҳақида мазкур мамлакатнинг “Lana” ахборот агентлиги хабар тарқатган.
Гувоҳларнинг айтишича, бир неча ниқоб тақиб олган шахслардан иборат гуруҳ Ал-Суиссий кетаётган машинага қарата ўқ очган. Полиция раҳбари билан бўлган унинг икки нафар тан соқчилари гуруҳ томонидан номаълум йўналишда олиб кетилган.
Айтилишича, Ал-Суиссий бу пайт Триполи шарқида жойлашган Тажура шаҳар кенгашидаги учрашувдан пойтахтга қайтаётган бўлган.
Олиб кетилган тан соқчилари кейинроқ озод қилинган бўлсада, бунинг тафсилотлари баён этилмаган.
Ушбу ҳаракат орқасида ким тургани ҳозирча матбуотга маълум эмас.