Қатар амири Мурсийнинг четлатилишини давлат тўнтариши деб атади

Шайх ал-Тоний CNN телеканалига берган интервьюсида “Қатар давлати “Мусулмон биродарлар” жамиятини қўллаб-қувватлаши ҳақидаги даъволар ёлғон” эканлигини билдириб, Қатар давлати Ҳусний Муборакдан кейин келган ҳар бир ҳукуматни қўллаганини айтиб ўтган.
Бундан ташқари, Қатар раҳбари “Мусулмон биродарлар”нинг бир неча вакиллари ҳозирда унинг давлатида бошпана топганликлари ҳақида тўхталар экан, ушбу жамият аъзолари Қатарда яшаш тартиб-қоидалари билан яхши таниш эканликларини ва сиёсат билан шуғулланмаётганликларини ҳам айтиб ўтган.
CNN муҳбирининг “Ҳамас” ташкилоти ҳақида берган саволига Қатар амири: “Биз Фаластин халқининг ҳаммасини қўллаб-қувватлаймиз. “Ҳамас” Фаластин халқининг жуда муҳим қисми эканига ишонамиз... улар тинчликка ишонадилар ва тинчлик бўлишини хоҳлайдилар. Бироқ, нариги томон ҳам тинчликка ишониши ва [ҳолатга] реалроқ баҳо бериши керак”, – деб жавоб берган.