Санкт-Петербургда учинчи масжид қурилиши мумкин
Санкт-Петербургда учинчи масжид қурилиши мумкин. Бу ҳақда муфтий Равил Пончаев хабар берди,- деб ёзади «Балт-инфо» ахборот агентлиги.
Муфтий масжид ҳозирча фақат режада борлигини айтди. Ҳали бинонинг жойи аниқ белгиланмаган бўлсада, Товарищеский кўчасида бўлиши кўзда тутилмоқда. Масжид нафақат ибодат жойи ўлароқ, балки, мадраса сифатида ҳам хизмат қилади. Бўлажак масжид 500 кишини ўз ичига сиғдира олади.
"Биз ҳозир турли хил муассасалар билан келишув олиб боряпмиз, техник топшириқни тайёрлаяпмиз. Лойиҳа бизнинг иқлимий шароитимизга мослаштирилган бўлиб, уни қўллашда турк қурувчиларига таяниши мумкин", - деб изоҳлади муфтий жаноблари.