Кўчириб келтирилган яҳудий аҳоли масжидга ўт қўйди
Хабар қилинишича, Фаластиннинг Рамаллоҳ шаҳри яқинидаги Муғоир аҳоли пунктида жойлашган масжидга ўт кетган. Натижада, масжид биносининг биринчи қавати буткул ёниб кетган. Муғоир ҳокими Фараж ал-Насаннинг сўзларига кўра, масжидга ҳудудга кўчириб келтирилган яҳудий кимсалар ўт қўйишган.
“Al Jazeera” телеканалининг муҳбири вайрон этилган масжид биносини кўздан кечираркан, ёниб кетган бино ва кулга айланган жиҳозлар орасида диний адабиётлар ҳам бўлганлигини хабар қилган. Шунингдек, муҳбирнинг сўзларига кўра, Муғоир аҳолиси орасида норозилик кайфияти ортиб бормоқда экан.